Կիներու Համար Գանատան Լաւագոյն Երկիրն է, Իսկ Հնդկաստանը` Վատագոյնը։
Նկատի առնելով սեռական հաւասարութիւնը ապահովելուն ուղղուած քաղաքականութիւնը, կիներու
շահագործման եւ բռնութիւններու դէմ կիրառուող անվտանգութեան միջոցները, մասնագէտները
աշխարհի 19 զարգացած պետութիւններու շարքին մէջ ՝՝Գանատան՝՝ ճանչցած են լաւագոյն երկիրը
կիներու համար։ Ի տարբերութիւն Գանատային, մանկասպանութեան, մանկահասակ երեխաներու
ամուսնութեան եւ ստրկութեան հանգամանքները նպաստած են, որպէսզի ՝՝Հնդկաստանը՝՝ ճանչցուի
կանանց ապրելու համար նախատեսուած ամենաանցանկալի երկիրը: «Այստեղ կանայք եւ աղջիկները
կը վաճառուին իրերու նման, շատ մը պարագաներուն կ’ամուսնացուին 10 տարեկանին, ողջ-ողջ
կ’այրին «ճոխ» օժիտ չտանելու պարագային եւ կ’ենթարկուին աշխատանքային շահագործման»( նշած
է ուսումնասիրութեան մասնակից Կուլշուն Ռենհամ) :
Կիներու համար բարենպաստ երկիրներու
լաւագոյն հնգեակին մէջ են Գերմանիան, Մեծ Բրիտանիան, Աւստրալիան եւ Ֆրանսան: Հնգեակէն
դուրս մնացած է ԱՄՆ, վերարտադրողականութեան իրաւունքներու եւ բժշկական մատչելի օգնութեան
հարցերու մէջ առկայ խնդիրներուն պատճառով:
Ուսումնասիրութիւնը իրականացած է TrustLaw
տեղեկատուական ծառայութեան` սեռական 370 մասնագէտներու կողմէ եւ ֆինանսաւորուած է Reuters-ի
հիմնադրամին կողմէ: Ասոր հիմնական նպատակն է Յունիս 18-19 Մեսսիքայի մէջ կայանալիք Մեծ
Քսանեակի Գագաթնաժողովին ընդառաջ ցոյց տալ, որ անկախ կանանց իրաւունքներու պաշտպանութեան
ուղղուած բազմաթիւ քայլերուն, շատ մը երկիրներու մէջ դեռ տակաւին անոնց դրութիւնը կը
շարունակէ ծանր մնալ: Այս ցանկին մէջ ԻՏԱԼԻԱՆ կը գրաւէ 8.րդ դիրքը։